Inhlanganiso edinga ukulotshwa kutsha kwesisekelo sombuso, iNational Constituional Assembly ithi ngoLwesibili lweviki ezayo izaba lokutshengisela kokukhuthaza ukubunjwa kohlangothi oluzabusa okwesikhatshana, iTransitional Authority. Lanxa imibiko ephume emaphephandebeni isithi loku kutshengisela kuqoqwe ndawonye lenhlanganiso yezisebenzi, iZCTU, unobhala jikelele walinhlanganiso, uMnu. Wellington Chibhebhe ulandule lokhu esithi bona khona bezahlangana ukuze baqoqe abazakwenza. Umgcinisihlalo wohlangothi lwabasakhulayo ku NCA, uMnu Alois Dzvairo utshele uChris Gande weStudio 7 ukuthi bakhangelele ukuthi ukutshengisela lokhu kuphumelele ngoba uzulu esethwele nzima ngokungavumelani ekwabeni kwezikhundla zedale lecabinet.
