amalinks wokungena

Breaking News

Inani Lezehlakalo Zodlakela Liyaqansa: ZPP


Inhlanganiso ye Zimbabwe Peace Project ithi inani lezehlakalo zokuhlukuluzwa ngezombusazwe seliqanse okwesabekayo. Ngenyanga kaNcwabakazi enye njalo inhlanganiso ethula imbiko yokuhlukuluzwa kukazulu, iZimbabwe Human Rights NGO Forum yethule imbiko ethi inani lezehlakalo zombusazwe selisehla.

Kodwa iZPP ithi ngenyanga kaMpandula kube lenani lezehlakalo zokuhlukuluzwa ezedlula inkulungwane lamakhulu amathathu, lisuka kumakhulu athoba munwe munye ngenyanga kaNcwabakazi. Sikhuluma nje, kulamalunga alitshumi lambili eMDC athunjwe eBanket ngabasekeli beZanu PF abangaziwayo ukuthi basiwe ngaphi.

NgolweSibili amagqwetha amela abantu laba abesemthethwandaba lapho okukhitshwe isinqumo sokubana kumele amapholisa abaveze ukuthi bangaphi. Umgcinisihlalo weZPP, uNkosazana Jestina Mukoko utshele uChris Gande weStudio 7 ukuthi okumangalisayo yikuthi udlakela lokhu luqhubekela phambili khona kulotshelwane phansi isivumelwano sokubumba uhulumende womanyano. UMukoko uthi langelanga lokulobelana lesi sivumelwano kube lokulwisana okwesabekayo.

Ezinye izindaba zeStudio7 …

XS
SM
MD
LG