amalinks wokungena

Breaking News

Kuqhamuka Ukungezwani Okutsha Phezu Kokubunjwa KweCabinet


Uhulumende uthi ukulotshwa kokuguqulwa kwengxenye yesisekelo sombuso weliuzwe, i Ammendment 19, esizenelisa ukuthi isivumelwano sokubumba uhulumende womanyano sekuqalisile. Icele leMDC elikhokhelwa ngumnu. Morgan Tsvangirai lithi lalo lizaloba imbono yalo ngolumthetho kodwa elinye lamacele eMDC elikhokhelwa nguMnu. Arthur Mutambara lithi kalisoze lilobe lutho ngoba lokhu kungabangela ingxabangxoza ekulotshweni lokhu kungaba lemibono eminengi ehlukeneyo.

Umphathintambo wezembiko, uMnu. Sikhanyiso Ndlovu utshele iStudio 7 ukuthi uMongameli Mugabe wazise amacele eMDC womabili kumele athumeze amagama amalunga azakuba ngabaphathinthambo lanxa amacele la womabili esithi kawasoze angene kuluhulumende nxa izikhalazo zikatsvanagirai zingalungisiswanga.

Esinye sezikhalazo zebandla leMDC elikhokhelwa nguTsvangirai ngesithi kumele kuqale kuguqulwe isisekelo sombuso, iammendment 19 andubana kubunjwe uhulumende. Kodwa ilunga ledale elimqoka eleZanu PF, ipolitburo, umnu. Joram Gumbo, utshele iStudio 7 ukuthi umthetho uthi kumele kukhethwe abaphathintambo besekubunjwa ke uhulumende, hatshi lokho okukhulunywa ngutsvangirai.

Kunjalo nje, umsekeli wesikhulumi secele leMDC elikhokhelwa nguMnu. Arthur Mutambara, uMnu. Renson Gasela ugcizelele okukhulunywe ngu Gumbo kodwa wathi abasoze bangene kuhulumende omutsha nxa elinye icele lingangenanga kuhulumende lo.

Ezinye izindaba zeStudio7 …

XS
SM
MD
LG