amalinks wokungena

Breaking News

Amapholisa Atshaya Izisebenzi Ezifuna Imali Yazo Emabhanga


Izisebenzi lozulu mathupha obesendwendweni zamabhanga endaweni ezinengi zelizwe usukelwe ngamapholisa watshaywa kabuhlungu kwabotshwa abantu abedlula amatshumi ayisikhombisa. Lokhu kwenzakale lanxa inhlanganiso emela ilungelo lezisebenzi, iZCTU, ebikhuthaze ukuthi uzulu aye emabhanga ayethatha imali yakhe yonke, ibisimise ukutshengisela lokhu.

Inengi lababotshiweyo likhululwe ngemva kokuba usiba lukhulu webhanga le Reserve, uMnu. Gideon Gono ecebise amapholisa ukuthi akhulule ababotshiweyo abagoqela inkokheli yeZCTU, uMnu. Lovemore Matombo uMongemeli, uMnu. Wellington Chibhebhe loMnu Raymond Majongwe ababotshwe eHarare.

Kunjalo nje, inkokheli yeZCTU ithi ihlangene losibalukhulu webhanga elikhulu lesizwe, iReserve, uMnu. Gideon Gono ekuseni bavumelana ukuthi ukutshengisela kokuya emabhanga kumiswe. Linhlanganiso ithi ibisivumelene ukuthi kungatshengislwa ngolweSithathu lanxa inengi lezisebenzi belingakatholi lumbiko ekuseni okubangele ukuthi lingene emabhanga lidinga imali yalo yonke.

Umsekeli kanobhala jikelele weZCTU uMnumzana Japhet Moyo utshele uChris Gande weStudio 7 ukuthi bazabona ukuthi bengaqhubekela phambili ngokutshengisela lokhu na kumbe hatshi ngemva komhlangano abazawenza loMnu. Gono.

Ezinye izindaba zeStudio7 …

XS
SM
MD
LG