Ihofisi yeUnited Nations ebona ngenhlelo zokuphathisa uzulu ngoncedo ibika ukuthi inani labantu asebebulewe yicholera selisedlula amakhulu amahlanu 565- njalo asebehlaselwe ngumkhuhlane lo sebesedlula inkulungwane ezilitshumi lambili- 12 500. Ukumemetheka komkhuhlane lo lokwehluleka kukahulumende ukuwuvimba kukhomba ukubhidlika kwezempilakahle, ukusilela kwabongi,labodokotela, ukusilela kwemithi lento zokusebenzisa ekwelatshweni kwabagulayo.
Icholera ibhahe kakhulu emizini embalwa yedolobho leHarare egoqela iBudiriro, kanye lasedolobheni leBeitbridge,ubangelwa yingcekeka. Abantu asebebulewe yicholera edolobheni leMusina babikwa sebefika kwabayisikhombisa. UBrenda Moyo weStudio7 ukhulume lodokotela Morgan Sebele osambulela umonakalo obangelwa yicholera emuntwini osehlaselwe yiwo,kanye lezibonakaliso zawo.
Ezinye Indaba ZeStudio7....
