UMongameli Robert Mugabe lamuhla usole ibandla leMDC esithi likhanya lingazimiselanga ukungena kuhulumende womanyano leZanu PF. Ekhuluma emsakazweni weZBC, uthe uhulumende lo engabunjwa ehluleke ukusebenza kuhle, kuzakwenziwa ukhetho olutsha ngemva komnyaka lengxenye.
EleMelika lona lisole uMugabe lisithi sokumele asuke embusweni ngoba esehlulekile. Amazwi la abuye agcizelelwe ngumfundisi Desmond Tutu. Ngakwelinye icele eleSouth Africa lazise lithi lizathumela iqula eZimbabwe ngoMvulo ukuyahlolisisa ngomumo wendlala lazo zonke indingeko zikazulu.
Isikhulumi seMDC ekhokhelwa nguMnu Morgan Tsvangirai uMnu Nelson Chamisa uthi ibandla lakhe lizimisele ukungena kolunye ukhetho nxa luzakwenziwa kungela dlakela. Sibuze umsekeli wesikhulumi semdc ekhokhelwa ngumnu Arthur Mutambara, uMnu Renson Gasela ukuthi ibandla lakhe lithini ngamazwi kaMugabe la?
Kunjalo nje ingcwethi ecubungula ezombusazwe uMnu Mandlenkosi Gatsheni utshele uNtungamili Nkomo ukuthi ithemba lisakhona ukuthi uhulumende womanyano uzaphumelela.
