Inhlanganiso eqhuba inhlelo zokwazisa ukuza kodubo lwendlala emhlabeni jikelele eye FEWSNET, ithi inhlanganiso eziphathisa ngokudla eZimbabwe azisela kudla osekutshiye abantu besendlaleni esabekayo. Linhlanganiso ithi abantu sebephila nzima elizweni ikakhulu emaphandleni.
IFEWSNET ithi kusukela ngenyanga ezayo kusiyafika kwekaMbimbitho kuzakuba ngcono ngoba inengi lizaphila ngemibhida yemasimini kodwa ingane zizaqhubeka zitshengisa ukungondleki ngoba loku kudla kungakhi umzimba.
Ingcwethi kwezokulima, uMnu. Mandla Nkomo utshele uChris Gande weStudio 7 ukuthi imbiko ye FEWSNET kayisiloqiniso elipheleleyo ngoba ukudla kuphele ngenyanga ezimbili ezedluleyo.
