Ibandla leZanu PF selidlulisele kuviki ezayo umhlangano walo omkhulu owenzwa kanye ngomnyaka, iNational People’s Conference. Lelibandla lithi lenze lokhu kulandela ukufa kukamphathintambo ongelahlangothi njalo obe bona ngokuqoqwa kwenhlelo zebandla leZanu PF, uMnu. Elliot Manyika ofe engozini yemota ngesonto.
UManyika ophiwe inhlonipho yeqhawe lesizwe uzabekwa emathuneneni eHeoroes’ Acre kusasa okulilanga ebeliqala umhlangano weZanu PF. Lelibandla lithi esinye isizatho esenze ukuthi lumhlangano udluliselwe phambili yikuthi ubumele wenzelwe ebindura okuyikho okudabuka khona umuyi umanyika.
Kodwa ingcwethi ecubungula ezombusazwe, uMnu. Qhubani Moyo utshele uChris Gande weStudio 7 ukuthi ukudluliselwa phambili kwelanga lalumhlangano kutshengisa nje ukungamanga kuhle kwezinto ebandleni leZanu PF.
