amalinks wokungena

Breaking News

Umkhuhlane Wecholera Uyamemetheka Emaphandleni


Umkhuhlane we cholera usuqhela emaphandleni aseduze ledolobho le Beitbridge ngoba abantu babikwa bebalekela khona bewubona umemetheka kulelidolobho, lapho osubulele abantu phose abalikhulu-95.

Indawo esezilomkhuhlane lo zigoqela i Lutumba, i Tshaswingo, iChitulipasi, iZezani kanye lamapulazi ahanqe lelidolobho.

Lokhu kwenzakala umanyano we United Nations lamuhla usithi umkhuhlane lo usubulele abantu abedlula amakhulu ayisikhombisa njalo wahlasela abedlula inkulungwane ezilitshumi lanhlanu elizweni jikelele.

UKhansila Tambudzayi Ncube ka ward 3 e Beitbrige, ekucele le MDC elikhokhelwa nguMnu. Morgan Tsvangirai, utshele uSithandekile Mhlanga we studio 7 ukuthi sebeqalisile ukusebenza ndawonye lamakhansila emaphandleni kanye lenhlanganiso ezizimeleyo ukulwisana lalumkhuhlane kulezi ndawo.

Ezinye indaba ze studio 7…

XS
SM
MD
LG