amalinks wokungena

Breaking News

Inhlanganiso yeNCA Iqhubekela Phambili Ngokutshengisela


Inhlanganiso edinga ukulotshwa kutsha kwesisekelo sombuso, iNCA, lamuhla iqhubekele phambili ngohlelo lwayo lokutshengisela eHarare kwabotshwa amalunga adlula amatshumi amabili. Amalunga ambalwa abikwa elimele kabuhlungu ngemva kokutshaywa ngamapholisa ahaze idolobha ngentuthu ehitshayo.

Ukutshengisela lokhu kuqale esitaladeni uJason Moyo amalunga eNCA adlula amakhulu ayisithupha ehlabela ethwele amabhakane alotshwe ukuthi kumele kubunjwe uhulumende womanyano masinyane elubhekise edaleni lephalamende. Amapholisa asukele laba bantu abatshaya kabuhlungu adubula intuthu ye tear gas. Izolo kubotshwe amalunga adlula amatshumi amahlanu.

Lamuhla kukhululwe amalunga angamatshumi amabili. Kumbiko eyethule lamuhla, inca, ithi izaqhubeka itshengisela langelanga lekhisimusi nxa izikhalazo zayo zingalungisiswanga. Umgcinisihlalo wabasakhulayo kulinhlanganiso, uMnu. Alois Dzvairo utshele uChris Gande weStudio 7 ukuthi uzulu laye ungene ekutshengiseleni lokhu.

Ezinye izindaba zeStudio 7 …

XS
SM
MD
LG