Iqembu leDynamos lenze izimanga lanqoba eleMonomotapa nge 3 ka 0 emdlalweni wePremier Soccer League (PSL), wona obuqakathekile kakhulu. Lumdlalo udlalelwe enkundleni yeRufaro eHarare
IMonomotapa yiyo ebikhokhela kungalane yemiklomelo -- ngemiklomelo
eyisithupha. Kodwa isele sikhokhela ngemiklomelo emithathu kuphela ngemva komdlalo walamuhla.
Abanengi bebekhangelele ukuthi iDynamos inqotshwe kulandela ingxabangxoza eqhamuke kuqembu leli abadlali bekhalele ukudlala bekhonona ngemali. Amaqembu womabili asesalelwe yimidlalo emibili kuphela ngaqembu, ukuthi kwazakale intshantshu zalonyaka zePSl.
Unobhala weqembu leMonomotapa uDavid Makombe laye uvumile ukuthi iqembu leDynamos lidlale okumangalisayo kungxoxo ayenze loChris Gande weStudio 7.
