amalinks wokungena

Breaking News

UMugabe LoTsvangirai Kabame Eceleni: ICG


Inhlanganiso ehlaziya ezombusazwe emhlabeni jikelele eye International Crisis Group ithi ukuze udaba lweZimbabwe lulungisiswe kungadingeka ukuthi kubunjwe uhulumende ozaphatha intambo zombuso okwesikhatshana ongelaMongameli Robert Mugabe loMnu Morgan Tsvangirai phakathi.

Egwalweni elwethule lamuhla linhlanganiso iveze ukuthi ayisekeli imbono yokuthi uMongameli Mugabe asuswe ngamandla embusweni ngoba lokhu kungaba lomthelela omubi. Ithi uhulumende wesikhatshana lo kuzamele aphathe intambo zombuso okomnyaka lengxenye elwisana lendubo ezikhona elizweni andubana kwenziwe ukhetho.

AbeZanu PF labe MDC bathi kabavumelani lecebo le ICG leli. Isiphathamandla seZanu PF uMnu Joram Gumbo uthi kaboni ukuthi kungenzakala njani ukuthi kube lohulumende ongela Mugabe loTsvangirai phakathi, okungumbono owethulwe nguMnu Sam Sipepa Nkomo owecele leMDC elikhokhelwa nguMnu Tsvangirai.

Imizamo yokuxhuma iziphathamandla zecele leMDC elikhokhelwa nguMnu Arthur Mutambara ngalolu daba yehlule.

Ezinye indaba zeStudio 7...

XS
SM
MD
LG