Ikhisimusi isisondele nje inengi likhala ngokuthi lelilanga alizukuletha injabulo kwabanengi ngenxa yokuqonga kwentengo yezinto phose zonke nje elizweni. Intengo yezinto iqonge kakhulu ngemva kokwengezelelwa kwemali esingathathwa nguzulu emabhanga, ngolwesihlanu olwedluleyo, isiya ku 10 Billion dollars ngenyanga. Iloaf lesinkwa selithengiswa nge 2 Billion dollars okutsho ukuthi nge 10 Billion dollars umuntu uthenga izinkwa ezinhlanu kuphela.
UBrenda Moyo weStudio7 ukhulume loMnumzana Meli Dube isiphathamandla se Combined Harare Residents Association –CHRA othi intengo yezinto isihlanya njalo kakwaziwa ukuthi izakuma nini ukuqonga.
Siphinde sakhuluma loNkosikazi Buhlebenkosi Moyo osebenzela i Media Monitoring Project of Zimbabwe uthi eZimbabwe akula khisimusi lonyaka.
