amalinks wokungena

Breaking News

UMugabe Uthethisa IAmerica LeBritain


UMongameli Robert Mugabe uthi uhulumende weBhilitane loweMelika kabathule ngodaba lweZimbabwe ngoba bengela lungelo lokukhuluma ngokwenzakala ezwekazi le Africa. UMugabe ukhulume lokhu emathuneni eHeroes’ Acre ngolweSibili kubekwa obengowebutho, uMnu. Gordon Sibanda ofe kuliviki waphiwa inhlonipho yeqhawe lesizwe.

Amazwi kaMugabe alandela aweziphathamandla zamazwe la womabili aveza ukuthi awasathembi ukuthi uMugabe ulesifiso sokukhokhela uhulumende womanyano. NgoMvulo ele Switzerland lifakele njalo iziphathamandla ezinhlanu zezanu pf izijeziso zenotho.

Isiphathamandla sedale elimqoka ele ZANU PFu, ipolitburo ekhokhela amalunga alelibandla edale lephalamende uMnumzana Joram Gumbo utshele uChris Gande weStudio 7 ukuthi iBritain le America amele atshiyele iSADC udaba lweZimbabwe ngoba ngolwemdeni.

Kunjalo nje, ingcwethi ecubungula ezombusazwe, uMnumzana Dumaphi Mema utshele UChris Gande weStudio seven ukuthi amazwi kaMongameli Mugabe atshengisa ukuthi vele kaluboni udubo olwehlele abantu beZimbabwe.

Ezinye indaba ze studio 7…

XS
SM
MD
LG