amalinks wokungena

Breaking News

Bathini Abemaphandleni Ngomkhuhlane Wecholera?


Uhulumende we China ubikwa esekhiphe imali yokunceda eleZimbabwe efika ingxenye yesigidi samadollar emelika-us$ 500 000) ukulwisana lomkhuhlane we cholera, osubulele abantu abafika phose inkulungwane lamakhulu amabili elizweni lokhu waqalisayo.

Ekhuluma emhlanganweni lapho lolo ncedo olunikezwe uhulumende weZimbabwe izolo, uMnu. David Parirenyatwa, umphathintambo wezemipilakahleubikwa ethe uhulumende usenelisile ukuvimba ukuqhela komkhuhlane we cholera endaweni ezinengi zelizwe loba nje inani labafayo lilokhu liqansa.

Kusenjalo, uMnumzana Sifelani Sibanda, umlaleli we studio 7 ohlala edolobheni leBindura utshele uSithandekile Mhlanga we studio 7 ukuthi abantu badanile kulelidolobho ngoba indlala ibhahile njalo ukuvalwa kwamanzi mahlayana kanye lengcekeza ekhona kutshengisa ukuthi umkhuhlane we cholera ungaqhamuka loba nini kulelidolobho.

Silokhu sikudaba lwe cholera, omunye njalo umlaleli we studio 7, uNkosazana Sithokozile Mpala ohlala emaphandleni e Mtshabezi eGwanda, utshele uSithandekile Mhlanga we studio 7 ukuthi akuhluphi kangako ukuthola amanzi emaphandleni ngoba bawakha esibhoraneni kodwa umuntu engagula kuba lukhuni ukumusa esibhedlela ngoba kukhatshana njalo kungelamithi yolwelapha izigulane.

Ezinye indaba ze studio 7…

XS
SM
MD
LG