amalinks wokungena

Breaking News

ISadc Iqoqa Umhlangano WeZimbabwe


Umanyano weSadc ubikwa uphakathi kokuqoqa umhlangano wokuhlaziya ukudonselana okukhona phakathi kweZanu PF leMDC ngodaba lokubumba uhulumende womanyano.

Umanyano lo ube lomhlangano ngoMfumfu eMzansi Africa lapho ohlaziye khona udaba lweZimbabwe wakhuthaza ukuthi ubunjwe uhulumende ngokuphangisa.

Ukhuthaze njalo ukuthi iZanu PF ibambisane leMDC ugatsha lwendaba zaphakathi kwelizwe lona olulokhu luhlupha. Kodwa iMDC ekhokhelwa nguTsvangirai ikwalile lokhu njalo lalamuhla uhulumende lokhu engakabunjwa.

ISadc -- yona esolwa ngabanengi ngokwehluleka ukuthathela uMongameli Robert Mugabe amanyathelo aqinileyo -- ibikwa isola bobabili uMugabe loMnu Tsvangirai ngokuqinisa amakhanda phezu kodaba lokubumba uhulumende.

Akukabi sobala ukuthi umhlangano weSadc uzakwenziwa nini. Ingcwethi ecubungula ezombusazwe uMnu Xolani Zitha utshele uNtungamili Nkomo weStudio 7 ukuthi kungaba yisimanga esikhulu ukuthi iSadc yenelise ukululungisisa udaba lweZimbabwe kulumhlangano njengoba sekukade yehluleka.

Ezinye Indaba ZeStudio 7...


Okuhambelana lalokhu

XS
SM
MD
LG