Umthethwandaba
kamantshi unqume ngolweSithathu ukuthi amapholisa kumele akhulule abantu ababili
balabo abathunjiweyo sikhathi sinye loNkosazana Jestina Mukoko, kodwa wathi uMukoko labanye bakhe bangakhululwa.
Ababili okuthiwe bakhululwe nguMnu Tawanda Bvumo loMnu Paskal Gonzo. UNkosazana Mukoko labasekeli beMDC abedlula amatshumi amathathu bazamiswa njalo emthethwandaba ngoMvulo, okutsho ukuthi ikhefu lomnyaka omutsha bazalidlela ezitokisini.
Amagqwetha amela uhulumende abikwa ekuvezile emthethwandaba ukuthi abathunjiweyo laba bathunjwe zinsoli zikahulumende njalo yizo ekade zibagcinile ngesikhathi bengazakali ukuthi bangaphi.
Ingcwethi ecubungula ezombusazwe uMnu Mlamuli Nkomo utshele uNtungamili Nkomo weStudio 7 ukuthi akumangalisi ukuthi uhulumende uqhubeka ephikisa ukukhululwa kwabathunjiweyo laba ngoba icala abaletheswayo liphathelane lezombangazwe.