Abathathu laba babikwa bebephakathi kohlelo lokuvuselela ingatsha ze PF Zapu kulesi sigaba esasisekela kakhulu lelibandla ngensuku likhokhelwa ngowayengumsekeli kamongameli, uMnuJoshua Nkomo. Omunye okugatsha lwezembiko kubandla leli, uMnu. Smile Dube utshele iphephandaba le The Standard ukuthi bacabangela ukuthi imbiko kaMongameli Mugabe kunyanga edluleyo lapho aze athi abavuselela lelibandla ngama dissident yikho okungabe kukhuthaza abasekeli beZanu PF ukuthi bathumbe amalunga abo.
Ngeminyaka yabo 1980 kwabulawa abasekeli bebandla lePF Zzapu ngamasotsha kahulumende ngesikhathi esaziwa ngokuthi yiGukurahundi.
Kodwa omunye njalo okuhlangothi lokuqutshwa kwezembiko kubandla le PF Zapu, uMnu. Effort Nkomo utshele uChris Gande weStudio 7 ukuthi ukuthunjwa kwamalunga abo akubethusi.
