Inhlanganiso yezifundi eye ZINASU ithi isola inyathelo likahulumende loluthi abafundi bebhadaliswe imali ye fees ngemadola emelika ngoba isithi abazali bezifundi abayiholi leyomali.
Izifundi zithi sokumele zibhadale imali esuka ku US$700 isiya ku $1 200 munye ngamunye kusiya ngokuthi wenza ziphi izifundo.
Bathi ngabe kubunjwa uhulumende omutsha ngesiphange-phange ukwenzela ukuthi kulungisiswe inhlupho ezinjengalezi elizweni.
Lokhu kwenzakala iziphathamandla zikahulumende zihlanganise amakhanda lamuhla zicubungula ukuthi ziphe imvumokumbe hatshi izikolo ukuthi zibhadalise ama fees ngemali yamanye amazwe njengalokhu ebezikucelile.
Isiphathamandla seZINASU, u Brian Mtisi, utshele istudio 7 ukuthi inhlangnaiso yakhe ikhuthaza izifundi ukuthi ziye ekolitshini izikolo zivulwa kodwa zingabhadali imali le.
