amalinks wokungena

Breaking News

Izakhamizi ZeHarare Zivalelwa Amanzi


Inhlanganiso ebona ngezempilakahle emhlabeni jikelele eye World Health Organisation lamuhla yethula umbiko othi inani labantu asebebulewe ngumkhuhlane wecholera lokhu waqalisayo selikhwele ledlula inkulungwane elekhulu elilodwa, 2 106.

Indawo ezibikwa bezilenani elikhulu lalumkhuhlane kumbiko lo yi Harare, i Kadoma, i Binga le Gokwe North.

Umkhuhlane lo ubikwa uhlasele okwakuqala e sigabeni se Denda le Sesame e Gokwe North.

UNkosazana Beatrice Ngwenya, isiphathamandla se Combined Harare Residents Association,(CHRA), utshele uSithandekile Mhlanga we studio 7 ukuthi indawo ezinengi edolobheni le Harare ezigoqela i Budirio le Glenview zivalelwe amanzi kusukela ngeNsonto edluleyo kuze kube lamuhla njalo izakhamizi zalindawo sezisikha amanzi e mfuleni we Mukuvisi, okukhomba sobala ukuthi umkhuhlane we cholera uzaqhubeka umemetheka.

Kusenjalo, inhlanganiso ezizimeleyo kwele South Africa zithi zizatshengisela kunhlanganiso yomanyane wamazwe omhlaba, eye United Nations, zikhuthaza ukuthi umongameli Robert Mugabe amiswe phambi komthethwandaba we Hague International Court of Justice, athonisiswe amacala awenza ebantwini agoqela izimfa ze cholera, indlala kanye lokuthunjwa kwabantu.

UMnu. Remember Moyo, umkhokheli we Zimbabwe Support Action Group, enye yenhlanganiso eziqoqa lokhu kutshengisela utshele uSithandekile Mhlanga we studio 7 ukuthi inhlupho ezinengi elizweni zibangelwa ngumbuso kamugabe ongalunganga.

Ezinye indaba ze studio 7..

XS
SM
MD
LG