Izikolo zithe zivulwa ngolweSibili kungela kufunda okwenzakeleyo edolobheni le Harare ababalisi beqhubekela phambili bekhala gokuthi kabenelisi ukuya emsebenzini ngoba bengela mali zokugada. Kuthi ngale koBulawayo abantwana bavukele ezikolo ezivulwe ngolweSibili ngemva kokuke zimiswe ukuvulwa okwamaviki amabili bathola kubetha umoya kungelamatitshala ezikholo.
Kunjalo nje, inhlanganiso emela
ilungelo lababalisi, iZIMTA, ebisazakala ngokusekela uhulumende ithi lanxa
uhulumende ethembise ukupha ababalisi iholo ngemali yakwamanye amazwe kabasoze
baye ezikolo nxa lesi sithembiso singaqalanga sacgwaliswa, ngoba uhulumende
evame ukuthembisa engagcwalisi lezo zithembiso.
Osaphethe isikhundla sokuba ngumqondisi walinhlanganiso, uChief Executive Officer, uMnu. Sifiso Ndlovu utshele uChris Gande weStudio 7 ukuthi udaba lweholo lababalisi lukhangelelwe ukuhlaziywa edale lephalamende ngolwesine.
