amalinks wokungena

Breaking News

Idale Lephalamende lihlaziya iNational Security Council Bill


Ibandla leZanu PF lizadinga usekelo lwedale lephalamande ngolweSibili ekuthini zonke izijeziso ezethulelwe uMongameli Mugabe leziphathamandla zikahulumende wakhe zesulwe.

Ekuhlaleni kwalo idale le phalamande lizahlaziya i National Security Council bill. Amalunga eZanu PF lawe MDC akhangelelwe ukumanyana avumelane ekupasweni kwali bill ibe ngumthetho njengalokhu akwenzileyo ku Constitutional Ammendment # 19 ngeviki edluleyo.

Amabandla la avumelene ngoMpandula nyakenye ukuthi izijeziso kumele zesulwe, kodwa okungacaci kuhle yikuthi abeMDC bazasekela na isicelo seZanu PF esokuthi izijeziso zesulwe.

UMnu Morgan Tsvangirai yena ukhangelelwe ukufungiswa aqale umsebenzi ngolweSithathu kanye labasekeli bakhe ababili uMnu Arthur Mutambara loNkosazana Thokozani Khupe.

Abaphathintambo bona bazakwaziswa njalo bafungiswe ngolweSihlanu, lapho uhulumende womanyano phakathi kweZanu PF leMDC azaqala khona umsebenzi.

Eqeda kufungiswa ngolweSithathu uMnu Tsvangirai uzakuba lomhlangano enkundleni ye Glamis stadium eHarare lapho azakwazisa khona uzulu ukuthi ule nhlelo bani zokuvuselela ilizwe.

Ingweni ecubungula ezombusazwe uMnu Rejoyce Ngwenya utshele uNtungamili Nkomo weStudio 7 ukuthi kaboni amalunga eMDC esekela inyathelo leZanu PF elokudinga ukwesulwa kwezijeziso.

Ezinye indaba zeStudio 7...

XS
SM
MD
LG