amalinks wokungena

Breaking News

UTsvangirai Wethula Idale Lakhe LeCabinet


Umkhokheli welinye icele leMDC uMnumzana Morgan Tsvangirai namhla wethule amalunga edale lakhe leCabinet. Unobhala jikelele walelibandla uMnumzana Tendai Biti nguye ozathatha isikhundla somphathintambo wezemali, obeyisikhulumi sebandla uMnumzana Nelson Chamisa uba ngumphathintambo we Information and Communications Technology.

Abanengi bamangaliswe yikunikwa isikhundla kucabinet kaTsvangirai kukaMnumzana Abednico Bhebhe owecele lemdc elikhokhelwa ngumnumzana Arthur Mutambara.UBhebhe unikwe iministry ye Water resources development. Sikhulume lentathelizindaba yeStudio 7 uThomas Chiripasi obese Meikles hotel uTsvangirai esethula icabinet yakhe.

Utsvangirai ugcotshwa ukuba yinhloko kahulumende kusasa labasekeli bakhe uNkosazana Thokozani Khuphe loMnumzana Arthur Mutambara umkhokheli welinye icele leMDC. Amalunga edale lecabinet amabandla onke lama gavuna akhangelelwe ukugcotshwa ngolwesihlanu. Abecele lika mutambara bakhangelelwe ukwethula amalunga abo e cabinet kusikhatshana esifitshane esilandelayo, kanye labe ZANU PF.

Ingcwethi ecubungula ezombusazwe uMnumzana Mqondobanzi Magonya uthi ukuswelakala kwamaNdebele kucabinet kaTsvangirai kutshiya imibuzo eminengi ebantwini bakulesisigaba.

Ezinye Indaba ZeStudio7...

XS
SM
MD
LG