amalinks wokungena

Breaking News

Iqembu lamaWarriors Lilubhekisa eTanzania


Amalunga enhlanganiso ye WOZA leMOZA edlula amakhulu ayisithupha atshengisele lamuhla eHarare kwabotshwa abalitshumi lambili. Lezinhlanganiso zithi zitshengisele, njengenhlalayenza phambilini kwelanga lothando, iValentine’s Day, zifuna ukubona ukuthi sekulenguquko ekuqutshweni komsebenzi wamapholisa njengoba sekuzabunjwa uhulumende womanyano.

Amalunga la afole phambi kwe Karigamombe Centre alubhekisa edale lephalamende esipha uzulu lamalunga edale lephalamende amaluba atshengisa uthando. Amapholisa kade ehlomile ngemibhobho ephambili kwedale lephalamende abakhangele nje kuphela abatshiya bacitheka. Kodwa kungekedluli isikhathi amapholisa alandele abantu laba kwabotshwa abalitshumi lambili.

Ababotshiweyo laba bagoqela amagqwetha. Isiphathamandla sewoza uNkosazana Magodonga Mahlangu utshele uChris Gande weStudio 7 ukuthi amapholisa alela amgqwetha ukuthi abonane lababotshiweyo.

Ezinye izindaba zeStudio7 …

Okuhambelana lalokhu

XS
SM
MD
LG