amalinks wokungena

Breaking News

UNkosazana Jestina Mukoko Labanye Belokhu Besesitokisini


Lanxa osanda gcotshwa ukuba yinhloko kahulumende, uMnu. Morgan Tsvangirai ethe ababotshelwe ezombusazwe kumele bakhululwe umthethwandaba kamantshi ngolweSithathu uthe abantu laba kuzamela baqhubeke bevalelwe.

Ababotshiweyo laba bagoqela umqondisi wenhlanganiso ye Zimbabwe Peace Project, uNkosazana Jestina Mukoko.

Umantshi weHarare uNkosazana Gloria Takundwa ngolweSithathu uthe uMukoko labanye abalitshumi lambili kumele baphindele emthethwandaba ngolweSihlanu. Igqwetha elimela lababantu, uMnu. Harrison Nkomo utshele uChris Gande weStudio 7 ukuthi umantshi uvumile njalo ukuthi kumele belatshwe ngododokotela ababili, omela uhulumende lozabe ekhethwe nguMukoko labanye bakhe.

Ezinye izindaba zeStudio7 …

XS
SM
MD
LG