Ingqungquthela yomdlalo wenqindi esigabeni se heavyweight u Thamsanqa Dube
ukhalaza emphakathini ukuba aphathiswe ngemali ukuze alungiselele ukuyadlala kwele
South Africa ngenyanga ezayo.
UDube uthole amaRand ayinkulungwane eyodwa elamakhulu amahlanu, ZAR1
500, ngemva kokunqoba akwenze u Smart Nkomo ngempelaNsonto njalo uthi
limali elingana lamadola alitshumi lanhlanu aseMelika 1 $15 ayeneli ukuba
alungiselele umdlalo omkhulu okumele abe lawo ngenyanga ezayo kwele South Africa.
UDube uthi bekuyisifiso sakhe sokuba ayekwenza amalungiselelo akhe ese South Africa
lapho azadibana khona lo Jake Els kudingwa umdlali ozakuba yingqungquthela ye Pan
African World Boxing Association kodwa udinga imali yokuhambisa
leyokukhokhela abadlali abazamsiza ukuzilolonga okuthiwa ngama Sparring Partners
ngesilungu.
