amalinks wokungena

Breaking News

Icala Lika Roy Bennet Lizathoniswa mhlaka 4 March


Umantshi we Mutare uMnumzana Livingstone Chipadze namhla unqume ukuthi uMnumzana Roy Bennet okhethwe ukuba ngumsekeli womphathintambo wezokulima aqhubeke esentolongweni kuze kube mhlaka 4 March. UBennet wetheswa amacala amabili, elokutholakala elezikhali zempi umthethwandaba usithi ubefuna ukugenqula uhulumende, lelokufuna ukuphuma elizweni engazisanga abogatsha olubona ngokungena lokuphuma kwabantu elizweni.

Amagqwetha kaBennet athi azakusa isicelo kudale lehigh court sokuthi uBennet ahlawuliswe imali yesibambiso athoniswe esuka emzini wakhe. ukubotshwa kuka bennet ngesikhthi sokubunjwe uhulumende womanyano kumangalise abanengi abathi engxenye lokhu ngokombangazwe, okuveza ukuthi akusoze kube lokusebenzelana kweMDC leZANU PF kuhulumende lo.

UBrenda Moyo weStudio 7 ukhulume lengcwethi ecubungula ezombusazwe uMnumzana Walter Nsununguli Mbongolwane othi ukubotshwa kuka Bennet kuveza ingxabangxoza ekubandla leZANU PF elilabanye abangafuni ukubona uhulumende womanyano ephumelela.

Ezinye Indaba ZeStudio7...

XS
SM
MD
LG