amalinks wokungena

Breaking News

Kubotshwa Amalunga eMDC Ngemva Kokulwisana LabeZanu PF


Abasekeli beMDC abedlula amatshumi amahlanu babikwa bebotshiwe edolobheni leMutoko ngemva kokuqhamuka kokulwisana kwabo labasekeli bebandla leZanu PF. AbeMDC laba babikwa belande abeZanu PF ngoLwesithathu besithi bafuna imnkomo zabo ezathathwa ngemva kokhetho lokudinga uMongameli lwanyakenye.

Ngemva kokulwisana kwango Lwesithathu amapholisa abikwa ebophe abasekeli bebandla lemdc kodwa umthethwandaba wabakhulula izolo. Lamuhla esinye isiphathamandla seZanu PF sibikwa sitshele amapholisa ukuthi abophe laba bantu njalo. Ukufuthelana okuseMutoko kubikwa kutshengisa okwenzakala elizweni jikelele.

NgolweSihlanu siqhubekela phambili ngehlandla lesibili lenxoxo yethu phakathi kwegqwetha elilwela ilungelo likazulu, uNkosazana Anna Moyo lelunga lenhlanganiso elwela ilungelo likazulu, iZimrights, uMnu. Clemence Moyo bendawonye loChris Gande weStudio 7. UMamoyo uqala ngokulandisa ngokufuthelana okukhona elizweni ngokubotshwa kwabasekeli beMDC kutshiywa abeZanu PF abatshisa imizi yezakhamizi babulala abantu ngesikhathi sokhetho.

Ezinye izindaba zeStudio7 …

XS
SM
MD
LG