Usibalukhulu webhanga lesizwe eleReserve, uMnu. Gideon Gono uthi izibopho zenotho azethule ekuqaleni kwenyanga yizo ezimele zisetshenziswe hatshi ezizakhulunywa ngabanye abantu.
UGono uthi ezinye izibopho ezingakhulunywa ngabanye abantu ziyabe zingekho emthethweni. Usibalukhulu webhanga lesizwe utsho lokhu emhlanganweni awenze lentathelizindaba ngolweSihlanu eaHarare. UGono uqhubeke esithi ilizwe selithole izigidi ezinhlanu zamadola eMelika yokuphathisa ilizwe. Kodwa kavezanga ukuthi limali ivela ngaphi.
Amazwi kaGono aveze ukwehlukana kwembono yakhe lomphathintambo wezemali, uMnu. Tendai Biti. Kodwa umphathintambo osebenzela emahofisini enhloko kahulumende, uMnu. Gorden Moyo utshele uChris Gande weStudio 7 ukuthi okungabe kusenzakala kathesi kuhulumende omutsha kufana lokuwa komntwana okhasayo efundela ukuhamba.
