Umkhuhlane we cholera usubulele abantu abafika phose inkulungwane ezine 3 817 njalo wahlasela abedlula inkulungwane ezingamatshumi ayisitshiyangalombili, 82 130 lokhu waqalisayo ngoncwabakazi nyakenye.
Lokhu kuvezwe ngumbiko owethulwe yinhlanganiso ebona ngezempilakahle emhlabeni jikelele, eye World Health Organisation, ogcizelela ukuthi umkhuhlane lo ubhahe kakhulu e Bindura, Mt. Darwin, Bikita le Mudzi.
Umkhuhlane lo ubikwa lokhu uqhela usiya emazweni eleZimbabwe akhelane lawo agoqela i South Africa, Botswana, Zambia le Mozambique.
Istudio 7 ixoxe lo Mnu. Innocent Mabuza, isizalwane se Zimbabwe esihlala e South Africa, yena othi uyazama ukuphathisa imuli yakhe eyasala muva ngokuthumela imithi, ukudla lokunye.