Unobhala jikelele weUnited Nations uMnu Ban Ki Moon, yena ozakhulumisana lomginisihlalo we Sadc uMnu Kgalema Motlanthe ngodaba lweZimbabwe ngolweSithathu e Pretoria, usefikile eSouth Africa.
UMn Ban ubikwa ezakhulumisana loMothlanthe ngodaba lokuthi i United Nations izancedisa njani uhulumende womanyano phakathi kweMDC leZanu PF ukuvuselela ilizwe.
Ngemva kokukhulumisana loMotlanthe uMnu Ban uzahlangana lequla lakhe eliseZimbabwe okwamanje elihambe ukuyahlaziya umumo lokuthi kuyini okudingakalayo ukuvuselela ilizwe.
Esuka eSouth Africa ngolweSine uMnu Ban uzakuya emazweni afana le Tanzania, DRC, Rwanda kanye lase Egypt ukuyakhulumisana labakhokheli bamazwe la ngokunengi okuhluphayo emazweni abo.
Abaphathintambo beSadc ababona ngezemali labo bazahlangana ngolweSithathu eCape Town kwele South Africa bekhulumisana ngendlela iSadc engahlenga ngayo eleZimbabwe.
Umphathintambo wezemali eZimbabawe uMnu Tendai Biti laye uzangena kulumhlangano.