amalinks wokungena

Breaking News

I IMF Ithumela Iqula EZimbabwe


Inhlanganiso ephathisa ngoncedo lwemali emhlabeni jikelele, eye International Monetary Fund izathumela iqula layo eZimbabwe ngeviki ezayo ukuyakhulumisana lohulumende ngodaba lokuvuselela umnotho.

Iqula leli lifika eHarare ngoMvulo. Inkulumo lezi zibikwa zizaphatha njalo udaba lwesikwelede seZimbabwe ku IMF, esingange US$119 million. Iqula leli lizakhulumisana lomphathintambo wezemali uMnu Tendai Biti, abamabhizimusi leziphathamandla zikahulumende ngodaba lokuvuselela inotho.

Uhulumende ubikwa enguye ocele inkulumo lezi le IMF, emizameni yokuvuselela ubudlelwano. Ibhanga lamazwe omhlaba i World Bank lalo lizathumela iqula kanye-kanye lele IMF. Ingcwethi ecubungula ezombusazwe uDokotela Samukele Hadebe uthi inkulumo lezi ziqakathekile ngoba ukuvuselelwa kwenotho yeZimbabwe kugxile ku IMF laku World Bank.

Ezinye indaba zeStudio 7...

XS
SM
MD
LG