Inkampani edinda iZimbabwe independent le Standard ithi izakwethula iphephandaba eliphuma nsuku zonke, kunsukwana ezimbalwa ezizayo, iNews Day.
EZimbabwe kucine ukuba lephephandaba elizimeleyo elidinda nsuku zonke ngomnyaka ka 2003 kuze kuvalwe iphephandaba le The Daily News. Ngalokho iphephandaba le News Day lizakuba ngelakuqala elizimeleyo elidinda malanga wonke kusukela ngoMvulo kusiyafika ngoMgqibelo.
Iphephandaba leThe Daily News, lona libikwa likhangelelwe ukuphiwa imvumo yokuvuselela umsebenzi ngesikhatshana esizayo. Amanye amaphephandaba azimeleyo adinda nsuku zonke, azayo agoqela iDaily Gazzette leThe Vision.
Umqondisi wenkampani ezadinda iNews Day uMnu Trevor Ncube utshele iStudio 7 ukuthi bakhangelele ukuphiwa ilayisensi yokuqalisa ukwethula leli phephandaba kusikhatshana esifitshane esilandelayo.
