Indwendwe zezizalwane zezimbabwe ezethekelela kwele South Africa zibikwa sezizinde okwesabekayo emngceleni wamazwe womabili e Beitbridge lokhu kuvunyelenwe ukuthi abantu bangene e South Africa bengadingi amavisa.
Inhlanganiso ezilwela amalungelo oluntu e South Africa, zithi uhulumende we South Africa ugcwalisa izithembiso zakhe azenza kuloludaba ngokupha izizalwane zezimbabwe imvumo yokusebenza okwenyanga ezintathu kulelolizwe, kukanti labo abangela mapassport bangena ngezithupha.
UMnu. Remember Moyo, umgcinisihlalo we nhlanganiso ye Zimbabwe Support Action Group, utshele uSithandekile Mhlanga we studio 7 ukuthi inengi lezizalwane zeZimbabwe liyajabula ngalelinyathelo.
