Ingcwethi kwezokulima zibika ukuthi ilizwe libhekane lohlupho lokusilela kwengqloyi ngomnyaka ozayo ngoba abalimi behlulekile ukuyilima, ngezizatho ezimbalwa ezigoqela ukusilela kwenhlanyelo, i disiel, imali yakwamanye amazwe lokunye.
Isikhulumi senhlanganiso yabalimi ethiwa Commercial Grain Producers Association uMnumzana Clive Levy uthi eleZimbabwe kuzamele lithenge ingqoloyi kwamanye amazwe.
UBrenda Moyo weStudio7 ukhulume lengcwethi kwezokulima emela isigaba seMangwe edaleni lephalamende njalo elilunga lekhomithi yedale leli ebona ngezokulima uMnumzana Edward Mkhosi othi ilizwe libhekane lokusilela hatshi okwengqoloyi kuphela kodwa lomumbu, okutsho indlala eyesabekayo kuzulu.
Kunjalo nje ukudla kubikwa sokutholakala ezitolo kodwa uhlupho kuyikuthi abantu abanengi abala mali yakwamanye amazwe yokukuthenga. Sikhulume lo Councillor we Ward 6 Embizha e Victoria Falls uMnumzana Christopher Sithole othi abantu baphila nzima.
