amalinks wokungena

Breaking News

Odokotela Bamisa Ukukhalala Umsebenzi


Abanye babodokotela akade bekhalala umsebenzi okwamaviki phose amathathu, abaxotshwe umsebenzi ngolweSihlanu olwedluleyo babikwa sebebuyele emsebenzini. Abanye odokotela abakhulume lalumsakazo bathi ababuyeli emsebenzini kodwa sebeqoqa okunye empilweni.

Ababuyeleyo babikwa bebuyele ngoba besethuselwa. Odokotela ababuyele emsebenzini laba bathi bafuna uhulumende abaphe imali yezindlu lemota kungakapheli inyanga eyodwa besithi nxa lokhu kungenzakalanga bazabuyela ekukhalaleni umsebenzi.

Odokotela bahola imali engedluli amakhulu amabili amadollar, bethola eyinye imali evela kunhlanganiso eziphathisa ngoncedo okwenza bathole amakhulu phose amane amadollar eMelika ngenyanga. Bebekhalala umsebenzi befuna uhulumende abengezelele iholo lifike ku $1000 U-S dollars, baphinde baphiwe ama allowances e $500 U-S dollars.

Kodwa uhulumende okhala ngokungabi lemali wenelise ukwengezelela odokotela ngamadollar eMelika phose amatshumi amahlanu -U-S$48.00 kuphela. Odokotela bebekhala njalo ngokuthi kumele batholiswe izinto zokusebenzisa ezibhedlela.

Sixhume udokotela Joshua Sibanda isizalwane seZimbabwe esisebenzela kwele South Africa othi uhulumende laloba engela mali, ukhanya ezimisele ukulungisisa izikhalazo zabodotela.

Ezinye Indaba ZeStudio7...


‚Äč
XS
SM
MD
LG