Umanyano wenhlanganiso ezizimeleyo, owe Crisis in Zimbabwe Coalition, uthi uhulumende womanyano kasebenzanga kuhle lokhu wabunjwayo ngoba lokhu kukunengi okwavunyelwanayo okungakafezwa.
Ekhuluma le Studio 7 ngolweSibili, uMnu Pedzisai Ruhanya, isiphathamandla salumanyano, uthe lokhu bakuveze kumbiko abawethule emhlanganweni we SADC eKinshasa ngempelaviki, wagcizelela ukuthi amacele womabili e MDC kanye lebandla le ZANU PF, kufanele ahlale phansi acubungule konke okudingakalayo ukuthi izivunyelwano ze Global Political Agreement zifezwe.
Uthi okuyibo ababeqhuba udlakela ngesikhathi sokhetho kufanele bamiswe phambi kwemithethwandaba bathonisiswe njalo amagama abo balawo. USithandekile Mhlanga we studio 7 uxoxe loMnu. Peter Muchengeti, ilunga le National Association of Non-Governmental Organisations ukuze sizwe imbono yakhe ngaloludaba.
