UMnumzana Simon Khaya Moyo olilunga lePolitburo yebandla leZANU PF njalo engumeli weZimbabwe eSouth Africa usekhethwe yizigaba eziyisikhombisa phakathi kwezilitshumi ukuthi abengumgcinisihlalo webandla leli.
Ukuze umuntu abelilunga le Presidium yebandla leli kumele akhethwe yizigaba eziyisithupha, u Moyo usekhethwe ngeziyisikhombisa okungabe kukhomba ukuthi usethethe lesisikhundla esitshiywa nguMnumzana John Nkomo laye osethatha isikhundla sokuba ngumsekeli kamongameli webanda le ZANU PF..
Abanye akade bencintisana kulesisikhundla nguMnumzana Didymus Mutasa ,uMnumzana Obert Mpofu loMnumzana Kembo Mohadi obekhethwe yisigaba seMasvingo.
UMnumzana Joshua Mhambi yingcwethi ecubungula ezombusazwe. UMhambi uthiisikhundla somgcinisihlalo webandla yisikhundla esiqakathelileyo esiphezulu kakhulu.
