Ozancintisa kukhetho lukaMongameli emele ibandla lama Rebublicans uMnu John Mcain lamuhla ukhethe usibalukhulu we Alaska uNkosikazi Sarah Palini ukuthi abe ngumsekeli wakhe, kunyathelo elimangalise abanengi ngoba engaziwa.
Kusenjalo, umhlangano omkhulu webandla lamaDemocrats owenziwa kanye ngemva kweminyake emine osungulwe ngoMvulo uphele izolo e Denver Colorado. .
UMnu Barack Obama nguye ogqibe
lumhlangano ngamazwi okwamukela isikhundla sokumela lelibandla kukhetho
lukaMongameli weMelika olwenziwa ngenyanga kaLwezi.
Kusukela ngoMvulo izikhulumi kulo umhlangano ezigoqela uMnu Ted Kennedy, uNkosikazi Michelle Obama, uNkosikazi Hillary Clintion lomkhakhe u Bill, lezinye iziphathamandla zalelibandla zisekela uObama oloyise odabuka kwele Kenya.
UObama oleminyaka
engamatshumi amane lasikhombisa uzancintisana kukhetho lokudinga uMongameli
loMnu John Mcain oleminyaka engamatshumi ayisikhombisa lambili.
Istudio 7 ikhulume lesizalwane sezimbabwe uNkosikazi Velile Nkolomi, obuka kakhulu ukuqoqwa komhlangano wamademocrats.
