Umhlangano omkhulu
webandla lama Democrats khonapha eMelika oqale ngoMvulo uqgitshwa lamuhla lapho
ozamela lelibandla kukhetho lokudinga uMongameli ngolwezi uMnu Barack Obama,
azakwamukela ngokusemthethweni umthwalo awunikezwa libandla lakhe.
Umhlaba jikelele umelele ngabomvu umbiko ka Obama.
Izolo, owake waba nguMongameli uMnu Bill Clinton kanye lokhethwe ukuba ngumsekeli kaObama uMnu Joe Biden bakhulumile kulumhlangano bakhuthaza ukubambana kwebandla ukuze bahluthune intambo zombuso ebandleni lama Republicans lona elizamelwa nguMnu John Mcain.
Isizalwane seZimbabwe esihlala khonapha eMelika uMnu Dumisani Sibanda utshele uNtungamili Nkomo weStudio 7 ukuthi ukubambana kuka Obama loNkosikazi Hillary Clinton, yena onqotshwe nguObama kukhetho lwama Primaries, kuzalethela uObama ama voti amanengi azakwenza enelise ukunqoba uMcain.
