amalinks wokungena

Breaking News

EleSouth Africa Lize Lamanyana Lamazwe Womhlaba Lisola UMugabe


Iphephandaba leBhilitane, i The Times lithi uhulumende weleBhiltane useqoqa amabutho ukuthi ayengena kweleZimbabwe agenqule umbuso kamongameli Mugabe. Kodwa uhulumende walelolizwe ulandule limbiko. Lokhu kwenzakala inkokheli zamazwe omhlaba, ezigoqela inkokheli zezwekazi le Africa ebezisekela umongameli Mugabe, zimsole kakhulu ngengxabangxoza eselizweni. Umongameli weSenegal uMnu. Abdoulaye Wade ugcizelele imbono kamongameli weleZambia uMnu. Levy Mwanawasa abathi ukhetho lwangolweSihlanu, irun-off lumiswe.

Umkhokheli webandla elibusaya eSouth Africa, iANC, uMnu. Jacob Zuma laye uthi ukhetho lolu lumele lwenziwe ngemva kwesikhathi kungasela dlakela elizweni.EleBotswana lalo lisole okwenzakala elizweni lisithi lisekelana loMnu. Tsvangirai osephume kukhetho lwe run-off.

Isiphathamandla senhlanganiso ye United Nations, uMnu. Ban Ki Moon ubikwa etshele intathelizindaba ukuthi ukhetho lufuze lumiswe kuze kuphele udlakela elizweni.

Uthi ukhetho lungaqhubeka, oyabenqobile kasoze ananzwe ngamazwe omhlaba. Umhlangano we National Security Council yalinhlanganiso, ubikwa uvumelene izolo ntambama, okwakuqala lokhu kwadlula ukhetho luka Mbimbitho ukuthi kulohlupho eZimbabwe yakhupha umbiko obokuchasisa lokhu. Esikhathini esedluleyo amazwe abalisa iSouth Africa leleChina yiwo akade engavumelani lamanye kudaba lweZimbabwe.

Omela iZimbabwe kwele United Nations uMnu. Boniface Chidyausiku utshele uSithandekile Mhlanga we studio 7 ukuthi akusiqiniso ukuthi libandla le ZANU PF elilodlakela ngoba kulobufakazi bokuthi lebandla le MDC lalo lilodlakela, njalo ngamazwe azondana leleZimbabwe ethula imbiko embi ngomumo oselizweni.

USithandekile Mhlanga we studio 7 uxoxe njalo lo Mnu. Felix Mafa Sibanda, isikhulumi secele le MDC elikhokhelwa nguMnu. Morgan Tsvangirai, yena othi kuhle ukubona inengi lamazwe livumelana ngokuthi kulengxabangxoza elizweni.

Ezinye indaba ze studio 7…

XS
SM
MD
LG