amalinks wokungena

Breaking News

UMbeki Ukhangelelwe Ukuhlangana LoMugabe Lenkokheli YeMDC NgolweSithathu


Umlamlankunzi kudaba lweZimbabwe uMongameli Thabo Mbeki wele South Africa ukhangelelwe ukuhlangana loMongameli Robert Mugabe kanye labaholi bamacele womabili ebandla leMDC kusasa eHarare behlaziya ingqubelaphambili kunkulumo ezikhona phakathi kweZanu PF leMDC.

Esuka lapho, uMbeki ubikwa ezadlulela kweleAngola elanda umhlangano weSADC Troika, wona obikwa uzaphatha udaba lweZimbabwe. Abasiki bebunda batshele iStudio 7 ukuthi umholi welinye lamacele eMDC uMnu Morgan Tsvangirai laye ukhangelelwe ukuya eAngola kusasa elanda umhlangano munye.

UMongameli Mbeki ngokwakhe lamuhla ulandule imibiko yokuthi inkulumo phakathi kweMDC leZanu PF sezitshabalele, esithi inkulumo lezi ziqhubeka kakuhle. Kodwa uMbeki uveze ukuthi inkulumo lezi sezimiswe okwesikhatshana ukwenzela ukuthi amaqula amabandla aphatheke kizo ekhulumisane lamabandla awo.

Ukudingisisa esikwenzileyo kuveze ukuthi inkulumo lezi zizaqhubekela phambili ngeSonto eSouth Africa lapho eziqhutshelwa khona ngokufihlakala.

Imibiko ephume ngoMvulo yamemetheka njengomlilo wendle, ibingethi inkulumo phakathi kwamabandla la sezitshabalele. Kodwa uMbeki ukulandule lokhu emhlanganweni awenze lentathelizindaba lamuhla ePretoria.

AbeMDC abangathandanga ukuqanjwa ngamagama labo bakulandule lokhu, kodwa bathi kulokungavumelani lapha lalaphaya. Into ezinengi ebezimqoka kunkulumo lezi zibikwa sezivunyelenwe ngazo.

UMbeki ubuye wagcizelela njalo esithi kuyacaca ukuthi amacele wonke akhulumisanayo akhanya ezimisele kulezinkulumo njalo alakho ukuvumelana kumaviki amabili awabekayo inkulumo lezi ziqala, kubika intathelizindaba yethu uBennedict Nhlapho.

Ngakwelinye icele, ingcwethi ecubungula ezombusazwe uMnu George Mkhwanazi utshele uNtungamili Nkomo weStudio 7 ukuthi nxa imibiko kaMbeki yokuthi inkulumo lezi zihamba kuhle iliqiniso, uTsvangirai loMongameli Mugabe bengabe sebabelane amandla ngokulinganayo.

Ezinye Indaba ZeStudio 7...

‚Äč
XS
SM
MD
LG