Ababalisi sebesole amazwi kamangomeli Emmerson Mnangagwa awokuthi uhululumede kasoze abanjwe ngamandla ngababalisi abakhalala umsebenzi ukuthi abengezelele iholo, njalo kuzahlawulwa labo abaya emsebenzini kuphela.
Ababalisi bathi bafuna ukuhola amadola angamakhulu amahlannu lamatshumi amabili 520 US Dollars kumbe efanayo ngemali yeZimbabwe, kodwa uhulumende uthi kasoze enelise lokho ngoba sekulemali yelizwe..
Izikolo zivulwe kumaviki amabili edluleyo kodwa inhlanganiso ezitshiyeneyo zababalisi zimanyene zathi amalunga azo engayi ezikolo uhulumende aze awabhadale imali enelisa ukuwaphilisa.
Sixoxe loMnu. Nation Mudzitirwa, isikhulumeli senhlanganiso elwela amalungelo ababalisi abafundisa emaphandleni eye Amalgamated Rural Teachers Association ngaloludaba.
UMnu. Mudzitirwa uthi ngabe izikolo ziyavalwa kusalungiswa loludaba, ngoba abantwana besikolo abasaziphathi kuhle njengoba kungelababalisi abeneleyo .
