Inhlanganiso yababalisi eye Progressive Teachers Union of Zimbabwe (PTUZ) ithi ababalisi abedlula inkulungwane abaqhatshwa nguhulumende sebevela emazweni atshiyeneyo kusanda kubunjwa uhulumende womanyano ngomnyaka ka 2009, lokhe bengakabhadalwa iholo.
Umnu. Vusumusi Mahlangu omele iPTUZ koBulawayo uthi abanye ababalisi laba abangaholiyo sebetshiya umsebenzi ngenxa yokuhlukuluzwa nguhulumende.
UMahlangu uthi iPublic Service Commission icabangela ukuthi ababalisi laba ngabamabandla womabili awe Movement for Democratic Change abatshiya umsebenzi ngenxa yezombusazwe.
Ababalisi abaxolelwa nguhulumende womanyano ukuthi baphindele ekhaya bezosebenza bacatshangelwa ukuthi bedlula inkulungwane phose ezilitshumi.
Inengi labo liqhatshwa kutsha minyaka yonke. Asenelisanga ukuthola umphathintambo wezemfundo uMnu. David Coltart kanye lowezisebenzi zikahulumende uNkosikazi Lucia Mativenga.
Umnu. Mahlangu uthi okwenziwa nguhulumende yibutshapha obuyangisayo.
