amalinks wokungena

Breaking News

Ababalisi Bagcizelela Ukuthi Bafuna Ukuholiswa Ngama U.S Dollars


ZIMTA

Lokhu kuza ngemva kokuba uhulumende eyethule imithelo etshiyeneyo ebalisa owokuhlawulisa uzulu amacent amabili ku dollar linye ngalinye lapho ethe wathenga impahla ebiza imali ephezu kwetshumi lamadola.

Inengi seliphe imbono eyehlukeneyo ngesikhalazo esethulwe ngababalisi benhlanganiso yeZimbabwe Teachers’ Association-ZIMTA ukuthi kumele bathole iholo labo ngemali yakwamanye amazwe ngoba bathwele amagabha avuzayo ngenhlelo zikahulumende ezokulungisa umnotho welizwe. UMavis Gama usethulela loludaba ngokugcweleyo.

Lokhu kuza ngemva kokuba uhulumende eyethule imithelo etshiyeneyo ebalisa owokuhlawulisa uzulu amacent amabili ku dollar linye ngalinye lapho ethe wathenga impahla ebiza imali ephezu kwetshumi lamadola.

Inhlanganiso yeZIMTA ithi amalunga ayo awenelisi ukubhadala indleko ezibalisa imali yokugada amabhasi, ukuthenga ukudla, eyokwelatshwa ezibhedlela leyokubhadalela izindlu abahlala kuzo.

I-ZIMTA ithi uhlangothi lwababalisi yilo obeluvele luthola imali ephansi kakhulu engeneliyo ukuba baphile, engafiki kusilinganiso sePoverty Datum Line, kukanti udubo lwabo soluphindwe kabili ngengxabangxoza ekumnotho welizwe.

Inengi lezisebenzi ezikhulume lalumsakazo zithi zibhekane lohlupho olufanayo. Omunye wazo nguNkosikazi Ivy Banda osebenza koBulawayo, yena othi kumele uhulumende alungisise loludaba ngoba iholo elitholwa linengi lezisebenzi alihambelani lentengo yempahla, lokunye.

Kodwa uMnumzana Musa Tshabalala wase Manresa edolobheni le Harare uthi kavumelani lokutshiwo yinhlanganiso yeZIMTA.

Lokhu kwenzakala amapholisa esanda ukubopha inkokheli yenhlanganiso yeZimbabwe Congress of Trade Unions izama ukuqoqa ukutshengisela emadolobheni isola ukubhidlika komnotho welizwe. Ababotshwayo bakhangelelwe ukumiswa phambi kwabo mantshi ekupheleni kwayonale inyanga kaMfumfu.

please wait
Embed

No media source currently available

0:00 0:04:04 0:00

Kusenjalo, isakhamuzi seHarare uMnu. Mfundo Mlilo, owakhweza udaba lokuphikisa inyathelo elathathwa ngumphathintambo kahulumende obona ngezemali uMnu. Mthuli Ncube elokubhadalisa abantu umthelo wesilinganiso sokubili ekhulwini 2%, uthi ukhangelele ukuthi umthethwandaba usuzaqalisa ukuhluza loludaba.

UMnu. Mlilo, oyisiphathamandla senhlanganiso yeCombined Harare Residents Association, uthi uzimele yedwa kuloludaba njalo igqwetha lakhe nguMnu. Tendai Biti.

please wait

No media source currently available

0:00 0:02:29 0:00

Facebook Forum

XS
SM
MD
LG