amalinks wokungena

Breaking News

Ababalisi Bakhathazekile Ngokumemetheka Komkhuhlane weCovid-19 Ezikolo


Des enfants zimbabwéens sont assis dans une salle de classe dans une école de Norton, à 55 km à l’ouest de Harare, le 28 janvier 2009

Inhlanganiso ezimela ababalisi zithi zikhathazekile kakhulu ngokumemetheka komkhuhlane weCovid-19 ezikolo kulandela ukufunyanwa kwabafundi abedlula amakhulu amabili belomkhuhlane lo ngempelasonto.

Ugatsha lwezempilakuhle luthi ngoLwesihlanu kutholakale abafundi abafika phose ikhulu, 97, beleCoronavirus esikolo seEmbakwe, ePlumtree, kwazothi ngoMgqibelo kwafunyanwa abalikhulu alamatshumi amabli lambili, 122, eSt David’s Bonda High School, eManicaland, labo belomkhuhlane lo.

Kumaviki amabili edluleyo abantwana besikolo seSacret Heart, eMatabeleland South, abedlula ikhulu labo babanjwe lumkhuhlane.

Ekuvulweni kwezikolo uhulumende wathembisa ukuthi uzathatha wonke amanyathelo afaneleyo ukwenqabela ukumemetheka kweCovid-19. Kodwa ababalisi bathi akwenzakalanga lokho.

Isiphathamandla senhlanganiso yeZimbabwe Teachers Association (ZIMTA), uMnu Sifiso Ndlovu utshele iStudio 7 ukuthi bakhathazekile kakhulu ngalokhu.

please wait

No media source currently available

0:00 0:01:20 0:00

Amazwi kaNdlovu agcizelelwe yisiphathamandla seProgressive Teachers Union of Zimbabwe (PTUZ) uNkosikazi Nokuthula Hlabangana.

please wait

No media source currently available

0:00 0:01:20 0:00

Kusenjalo, ugatsha lwezempilakahle luthi kubhubhe umuntu oyedwa ngeCovid-19 eZimbabwe ngeSonto njalo kwatholakala abangamatshumi amahlanu lambili, 52, belomkhuhlane lo.

Lokhu kukhweze inani lasebebhubhile laya kunkulungwane elamakhulu amahlanu alamatshumi amahlanu lantathu, 1,553.

Asebefunyenwe belegciwane leli bona sebefika kunkulungwane phose ezingamatshumi amane, 37,751.

Abahlatshwe ijekiseni yakuqala yokuvikela lumkhuhlane izolo bedlula inkulungwane ezimbili, 2,488, okukhweze inani lasebehlatshwe lijekiseni laya kunkulungwane ezingamakhulu phose amathathu, 278,583.

Abahlatshwe ijekiseni yesibili njalo ingeyokucina bangamatshumi phose ayisithupha kuphela, 57, okukhuphule inani lasebeqedile ukuhlatshwa laya kunkulungwane ezedlula amatshumi amathathu alengxenye, 35,863.

Facebook Forum

XS
SM
MD
LG