Inhlanganiso yababalisi eye Zimbabwe Teachers Association (ZIMTA) ithi amalunga ayo asefuna ukuthi angene kuhlelo lokwabela uzulu amashares olweIndigenization lezinye inhlelo zokuthuthukisa inotho yelizwe leZimbabwe.
Umnu. Sifiso Ndlovu umqondisi we ZIMTA uthi lokhu kwethulwe ngamalunga eZIMTA emhlanganweni wayo omkhulu owenzelwa koBulawayo lapho okuphume sobala ukuthi kabajabuli ngokutshiywa phandle kwenhlelo zokuthuthukisa inotho kazulu lelizwe.
Umnu. Ndlovu uthi iZIMTA isicele uMnu. Saviour Kasukuwere umphathintambo wokuthuthukisa inotho kazulu ukuthi azekwethula okumumethwe luhlelo lweIndigenization emhlanganweni lo ophela ngomgqibelo.
Uthe ababalisi bakhala ngokuthi sebetshiywe phandle kwenhlelo zikahulumende ezinengi ngesikhathi bona beholiswa imali ephansi nguhulumende.
Kusenjalo, abasakhulayo emaphandleni bathi kabatholi imali eyefakwa ebhanga le Central African Building Society yi Old Mutual Insuarance Company yokuthi bavule amabhizimusi atshiyeneyo.
Umnu. Lliberty Bhebhe umqondisi we National Youth Development Trust uthe kuyamangalisa okufunwa ngababalisi njengoba bengasoze benelise ukuthola imali yokuthenga amashares amankampani emazweni.
Ababalisi Sebefuna Ukungena Kuhlelo Lokuthuthukisa Inotho Kazulu Olwe Indigenization
- Gibbs Dube
