amalinks wokungena

Breaking News

Amalunga eZCTU Abotshiweyo Aphindela Emthethwandaba ngoMgqibelo


ZCTU

Amanye amalunga enhlanganiso yeZCTU abotshwe ngoLwesine eqoqa ukutshengisela emadolobheni abalisa eleMutare, Harare, leMasvingo amiswe emthethwandaba yabomantshi ngoLwesihlanu lapho ancitshwe khona ithuba lokuhlawula imali yesibambiso se bail ukuthi akhululwe esitokisini.

Amanye amalunga enhlanganiso elwela amalungelo ezisebenzi eye Zimbabwe Congress of Trade Unions-ZCTU abotshwe ngoLwesine eqoqa ukutshengisela emadolobheni abalisa eleMutare, Harare, leMasvingo amiswe emthethwandaba yabomantshi ngoLwesihlanu lapho ancitshwe khona ithuba lokuhlawula imali yesibambiso se bail ukuthi akhululwe esitokisini.

Ababotshiweyo betheswa icala lokuziphatha ngendlela ebingabangela udlakela emphakathini njalo bakhangelelwe ukuphindela emthethwandaba ngoMgqibelo.

Amapholisa abencitshe inhlanganiso yeZCTU imvumo yokutshengisela esithi ukuhlangana kwabantu abanengi ndawonye kungabangela ukumemetheka komkhuhlane we Cholera ovele usukhona elizweni.

Ukuzwa okunengi ngalokudaba, sixoxe legqwetha lenhlanganiso yeZimbabwe Lawyers for Human Rights uMnu. Kossam Ncube obemele abayisikhombisa abamiswe emthethwandaba kamantshi eHarare.

please wait

No media source currently available

0:00 0:02:20 0:00

Ukubotshwa kwamalunga eZCTU kusolwe kakhulu zinhlanganiso ezilwela amalungelo oluntu kanye lamabandla aphikisayo zisithi kusobala ukuthi uhulumende kamongameli Mnangagwa wephula ilungelo loluntu ngoba kavimbi imbuthano yebandla lakhe leminye.

Facebook Forum

XS
SM
MD
LG