Umthethwandaba waphezulu owe high court uvumile isicelo sokukhulula ngemali yesibambiso eye bail, abahlanu abalwela ilungelo loluntu ababotshwe ngenyanga edluleyo besetheswa icala lokuzama ukugenqula umbuso kamongameli Mnangagwa.
Abahlanu laba, ngabanye babalwela ilungelo loluntu abayisikhombisa ababikwa baphatheka emhlanganweni kweleMeldives.
Babalisa uFarirai Gumbonzvanda, Gamuchirai Makura, George Makoni, Frank Nyasha Mpahlo, lo Tatenda Mombeyarara.
Umahluli uthi akulazizathu eziqinileyo ezokuthi beqhubeke bevalelwe entolongweni bengakhululwa.
Kufanele behlawule amadola azinkulungwane, one thousand dollars, munye-ngamunye, bayezibika emapholiseni insuku-zonke, behlale emakhelini abawaphe umthethwandaba, njalo bengaphazamisi ukuphenywa kwaloludaba.
Igqwetha leZimbabwe Lawyers for Human Rights uMnu. Jeremia Bhamu uchasisa ukuthi kungani uNkosazana Sithabile Dewa lo, Rita Nyamupinga, ababotshwa ngemva kwabanye babo, bengaphiwanga i bail njengabanye.
Uthi bazakwaziswa ngoMvulo ukuthi bayakhululwa na kumbe hayi, phambi komunye umahluli.
Ukubotshwa kwalaba kwathukuthelisa inengi labalwela ilungelo loluntu lamanye amazwe, abethula imbiko ehlukeneyo besithi uhulumende weZimbabwe wephula ilungelo loluntu.
