amalinks wokungena

Breaking News

Abahlali bakoBulawayo Bathi Kufanele Amakhansila Alelidolobho Axotshwe


Abanye abahlali bakoBulawayo bahlangene ngoLwesihlanu banquma ukuthi kufanele amakhansila alelidolobho axotshwe kusalungiswa ingxabangxoza esaqhubeka, lapho umsekeli kamayor uMnu. Tinashe Kambarami axotshe khona umabhalane omkhulu walikhansili uMnu. Christopher Dube emsebenzini.

Umhlangano lo ubuqoqwe yinhlanganiso yeBulawayo Progressive Residents Association njalo bekunxuswe abahlali abadala bakoBulawayo abagoqela abake basebenza kukhansili lakuhulumende kulelidolobho; ama Alderman, omabhalane o town clerk, kanye labosibalukhulu.

Obengumgcinisihlalo walumhlangano uMnu. Paul Themba Nyathi uthi izakhamizi zithe zizakhalaza ukuhlangana lequla elithunywe nguhulumende ukuzoxazulula loludaba ukuze zethule imbono yazo.

Bathi amakhansila la awasoze aqhube kuhle inhlelo zalelidolobho ngoba engabambananga njalo amanye engawazi amasiko abantu beMatabeleland..

UMnu. Dube sewabuyela emsebenzini njalo ibandla leMDC okuyilo elilamakhansila amanengi kulelidolobho lithi lisadingisisa ngaloludaba.

Facebook Forum

XS
SM
MD
LG